Börn og notkun stafrænna miðla - heima og í nýsköpunarsmiðjum eða gerverum (e. makerspaces)

Menntavísindasvið Háskóla Íslands tekur nú þátt í Evrópuverkefninu MakEY (Makerspaces in the early years: Enhancing digital literacy and creativity).
Sjá http://makeyproject.eu/ og http://skrif.hi.is/rannum/rannsoknir/makey/.
 
Um er að ræða samstarfsverkefni fjölmargra háskóla og stofnana innan Evrópu og utan undir forystu Sheffield University í Bretlandi. Nokkrar íslenskar stofnanir taka einnig þátt í verkefninu auk Menntavísindasviðs HÍ (HA, Nýsköpunarmiðstöð Íslands og Menntaráðgjöf/Innoent). Gögnum verður safnað með rafrænni könnun og eigindlegum athugunum á notkun ungra barna á nýrri tækni í sérstökum rýmum/smiðjum sem henta til nýsköpunar (makerspaces). Hugtakið “makerspace” hefur verið þýtt sem nýsköpunarsmiðja eða gerver.
 
Fiona L. Scott, fræðimaður við University of Sheffield, er stödd hér á landi í tengslum við verkefnið. Hún heldur erindi á málstofu á 19.4. og kynnir MakEY verkefnið ásamt Skúlínu Kjartansdóttur, doktorsnema við Menntavísindasvið. Erindi Fionu fjallar um:

Sjónvarpsáhorf ungra barna í Bretlandi heima við - og notkun tengdra miðla
 
Gerð var könnun sem 1200 breskir foreldrar tóku þátt í en einnig var fylgst með börnum átta fjölskyldna á heimilum þeirra í Bretlandi. Fiona mun ræða það hlutverk sem sjónvarp og tengdir miðlar leika í að móta upplifun barna af heiminum og í námi. Niðurstöður rannsóknarinnar veita innsýn í hvernig stafræn tækni, leikur og læsi tengjast innbyrðis. Þau tengsl varpa ljósi á víðtæka reynslu barna og fjölskyldna þeirra af sjónvarpsáhorfi og notkun tengdra miðla á ólíkum nútímaheimilum í Bretlandi. Þar getur félagsleg staða skipt máli.
 
Að loknu erindi Fionu mun hún ásamt Skúlinu  Kjartansdóttur kynna MakEY verkefnið og að lokum verður umræða um "gerver" og möguleika þeirra í menntun barna.

Útsending verður á https://c.deic.dk/ut