Hvað má læra af rannsóknum í skólastarfi?

Samtök áhugafólks um skólaþróun og Rannsóknarstofa um þróun skólastarfs við Háskóla Íslands efna til ráðstefnu  í húsakynnum Menntavísindasviðs við Stakkahlíð (Skriðu) 18.–19. nóvember 2011 undir yfirskriftinni Hvað má læra af rannsóknum á skólastarfi?

Sérstök athygli er vakin á málstofu 19.11. kl. 11.30-13.00 um upplýsingatækni í íslensku grunnskólastarfi

Niðurstöður verða kynntar úr Starfsháttaverkefninu um nýtingu upplýsingatækninnar í námi og kennslu, á skólasöfnum og við stjórnun í þátttökuskólunum.  Kynntar verða niðurstöður úr könnunum meðal nemenda og kennara, úr vettvangsathugunum í skólastofum og úr viðtölum við kennara. Einnig verður greint frá niðurstöðum tveggja meistaraprófsverkefna. Bergþóra Þórhallsdóttir rannsakaði áhrif upplýsingatækni og rafrænnar stjórnsýslu á starf skólastjóra og Bryndís Ásta Böðvarsdóttir skoðaði notkun Mentors og innleiðingu á nýrri einingu í því kerfi. Enn fremur verður sagt frá áhugaverðu frumkvöðlastarfi á unglingastigi sem fól í sér notkun Facebook.
Umsjón: Sólveig Jakobsdóttir dósent við HÍ, Torfi Hjartarson lektor við HÍ