Þjóðarspegillinn

Þjóðarspegillinn 2010: Ráðstefna í félagsvísindum XI, verður haldin föstudaginn 29. október 2010 við Háskóla Íslands. Ráðstefnunni er ætlað að kynna og miðla því sem efst er á baugi í rannsóknum í félagsvísindum á Íslandi ár hvert.

Um 160 fyrirlestrar verða fluttir í 43 málstofum sem fjalla um efni allt frá þjóðfræði miðalda til afleiðinga efnahagshrunsins. Fjöldi fyrirlestra er til vitnis um fjölbreytt og öflugt rannsóknarstarf á sviði félagsvísinda hér á landi og eru fyrirlesarar í fremstu röð hver á sínu sviði. Í tengslum við ráðstefnuna verður veggspjaldasýning í Gimli og Háskólatorgi þar sem fjölmargir fræðimenn, meistara- og doktorsnemar kynna rannsóknir sínar.

Ráðstefnan er öllum opin og aðgangur er ókeypis