Fyrsta málstofa RANNUM á skólaárinu 2011-12 verður haldin þriðjudaginn 20.september kl. 12-13 í E303 í aðalbyggingu Menntavísindasviðs Stakkahlíð.

Jacqueline Tinkler kennari við Charles Sturt University (Flexible Learning Institute, Faculty of Education) í Wagga Wagga í Ástralíu mun halda erindi um doktorsverkefni sitt: Waiting for the Revolution: Education, ICT and School Communities: Mapping ICT in the present and future in school communities. Rannsóknin beinist að því hvernig skólasamfélög í tveimur skólum í Ástralíu sjá fyrir sér möguleika í nýtingu upplýsinga- og samskiptatækni (UST) í menntun og hvernig stefna á þessu sviði hefur haft áhrif á nýtingu UST innan skólanna og áætlanir um framtíðarnotkun í námi og kennslu. Tinkler mun kynna markmið og bakgrunn rannsóknarinnar og hvernig hún hefur nýtt kortlagningu hugtaka (concept mapping) sem rannsóknaraðferð.  Þátttakendur í rannsókninni gerðu tvö hugtakakort: annars vegar með hugmyndum sínum um hvernig UST væri notuð í skólum og hins vegar um hvernig UST gæti bylt og breytt menntun og stuðlað að skólaþróun. Í erindi sínu mun Tinkler sýna dæmi um hugtakakort úr forathugun og ræða við þátttakendur í málstofunni um fyrstu niðurstöður og  hvernig nýta megi þessa rannsóknaraðferð.

ATH. við munum væntanlega gera tilraun til að gefa aðgang í Adobe Connect - þar sem þátttakendur eiga þá að geta séð það sem fram fer, hlustað og sent inn fyrirspurnir í textaspjalli.
https://frea.adobeconnect.com/ut