Alþjóðlegi netöryggisdagurinn 2011

Mennta- og menningarmálaráðuneytið, innanríkisráðuneytið og SAFT standa fyrir ráðstefnu um internetið á alþjóðlega netöryggisdaginn, þann 8. febrúar 2011 á Hilton hóteli, Nordica.

Ekkert þátttökugjald

Hilton Nordica verður með sérstakt hádegisverðatilboð fyrir ráðstefnugesti.

Áhugasamir um þátttöku í málstofum sendi tölvupóst á saft@saft.is

Nánari upplýsingar, rafræn skráning á ráðstefnu og málstofur er á heimasíðu SAFT (www.saft.is).

Dagskrá

8.30 – 8.45      Skráning

8.45 – 9.00      Ásta Magnúsdóttir, ráðuneytisstjóri í mennta- og menningarráðuneytinu býður gesti velkomna og setur ráðstefnuna

9.00 - 9.15      Katrín Jakobsdóttir, mennta- og menningarmálaráðherra flytur ávarp og veitir verðlaun í Evrópusamkeppni um besta barnaefni á netinu

9.15 – 9.30      Ögmundur Jónasson, innanríkisráðherra flytur ávarp og kynnir samskiptaáætlun

9.30 - 10.10   Lee Hibbard, verkefnisstjóri Internet Governance mála hjá Evrópuráðinu fjallar um þróun og stefnumótun á internetinu

10.10 - 10.30 Íris Kristín Andrésdóttir frá Icelandic Gaming Industry heldur erindi um nýjar og skapandi atvinnugreinar tengdar Internetinu og sýnir dæmi

10.30 - 11.00 Kaffihlé

11.00 - 11.40 Dr. William Drake frá Centre for International Governance,Graduate Institute of International and  Development Studies í Sviss fjallar um nauðsyn á alþjóðlegu samstarfi vegna stefnumótunar á Internetinu

11.40 - 12.00 Fanndís Logadóttir frá ungmennaráði SAFT fjallar um sýn ungra notenda á framtíð Internetsins

12.00 - 13.00 Hádegisverður á kostnað ráðstefnugesta

13.00 - 14.20 Málstofur

• Börnin okkar – ábyrgir netborgarar?. Hvernig tryggjum við öryggi fólks á netinu og hvetjum til ábyrgrar notkunar nýmiðla?

• Hvaða réttindi gilda á netinu? Hvaða rétt höfum við til tjáningar og til upplýsingaöflunar? Er Ísland eyland, eða þurfum við að taka tillit til löggjafar annarra ríkja?

• Hvernig á að tryggja fjarskiptainnviði á Íslandi. Er öryggi nægjanlegt? Er þörf á frekari vörnum?

14-20 - 14.40 Kaffihlé

14.40 - 16.00 Málstofur

• „Trúum því að fólk vilji eiga heiðarleg viðskipti…“ Um verslun, framboð og aðgang að afþreyingu, upplýsingum og menningarefni á netinu.

• Uppbygging nýrra atvinnugreina á Internetinu. Hver eru tækifærin og ógnirnar fyrir íslensk fyrirtæki?

• Nýting internetsins í námi og kennslu.

16.00 - 17.00 Stutt samantekt frá málstofum og pallborðsumræður