Er baráttan töpuð? Er hægt að vernda börn gegn skaðlegu efni í fjölmiðlum og tölvuleikjum?

MÁLÞING FJÖLMIÐLANEFNDAR, SAFT OG HEIMILIS OG SKÓLA Í SAL ÞJÓÐMINJASAFNS ÍSLANDS. 20. NÓVEMBER KL.16–18

Fjölmiðlanefnd, SAFT og Heimili og skóli standa fyrir málþingi undir yfirskriftinni “Er baráttan töpuð? Er hægt að vernda börn gegn skaðlegu efni í fjölmiðlum og tölvuleikjum?“. Tilefni málþingsins er að tæknibreytingar og breytt fjölmiðlanotkun barna og unglinga kallar á breyttar aðferðir til að vernda börn gegn skaðlegu efni í fjölmiðlum, á internetinu og í tölvuleikjum. Á málþinginu verður tæpt á því hvaða sjónarmið liggja að baki því að vernda börn gegn skaðlegu efni. Fjallað verður um nýjar rannsóknir á netnotkun íslenskra ungmenna, farið yfir löggjöf um vernd barna gagnvart skaðlegu efni hér á landi og hvaða leiðir verið er að fara í nágrannaríkjum okkar til vernda börn gegn skaðlegu efni á nýjum miðlum. Þá verður jafnframt fjallað um ábyrgð foreldra, skóla og samfélagsins í þessum efnum auk þess sem kynnt verða sjónarmið stærsta fjölmiðils landsins er varðar vernd barna. Illugi Gunnarsson, mennta- og menningarmálaráðherra ávarpar málþingið.

DAGSKRÁ MÁLÞINGSINS:

ER BARÁTTAN TÖPUÐ?
Er hægt að vernda börn gegn skaðlegu efni í fjölmiðlum og tölvuleikjum?

1. Ávarp - Illugi Gunnarsson, mennta- og menningarmálaráðherra

2. „Ef ég er pirraður þá fer ég kannski í aðeins blóðugri leiki“ – Netnotkun íslenskra ungmenna í 9. og 10. bekk grunnskóla.
Hjördís Sigursteinsdóttir, aðjúnkt á hug- og félagsvísindasviði Háskólans á Akureyri

3. Löggjöf um vernd barna gagnvart skaðlegu efni á Íslandi og reynsla annarra ríkja.
Elfa Ýr Gylfadóttir, fjölmiðlanefnd

4. Ábyrgð foreldra, skóla og samfélagsins gagnvart börnum og skaðlegu efni.
Hrefna Sigurjónsdóttir, Heimili og skóli

5. Tilgangur og gagnsemi vatnaskilareglna og auglýsingabanns. Sjónarmið frá fjölmiðli.
Ari Edwald, forstjóri 365 miðla.

Pallborð: Páll Magnússon (RÚV), Snæbjörn Steingrímsson (SMÁÍS) og fulltrúi
frá Ungmennaráði SAFT

Fundarstjóri: Margrét María Sigurðardóttir, umboðsmaður barna