Fyrirlestur 19. febrúar kl. 13-14 í stofu HT 101 á Háskólatorgi

Hæ,

Langar til að vekja athygli á að ég (Salvör Gissurardóttir) verð með opinn fyrirlestur kl. 13-14 á morgun 19. Febrúar á háskóladeginum í stofu HT 101  (við hringstigann á hæðinni fyrir neðan háskólatorgið)  það væri gaman ef áhugamenn um opinn hugbúnað í skólakerfinu, opin námsgögn og kennslugögn og opinn hugbúnað mættu og ef einhver á plaköt og kynningarefni þá væri það frábært. Þetta er kynningardagur háskólanna  og mér finnst mikilvægt að við sem viljum vekja athygli á og uppfræða fólk um kosti þess að vera í umhverfi þar sem bæði hugbúnaður og gögn/efniviður og vélbúnaður er með opnum höfundarleyfum og hve mikil kyrkingartök hefðbundið námsumhverfi  hefur á skapandi vinnu og nám. Sumir telja að einn stærsti kostur við stafræna nettækni í námi sé að geta tékkað á hvort nemendur séu að svindla, ekki síst svindla með því að taka efni frá öðrum og fella inn í eigin verk. Það er erfitt og tekur tíma að upplýsa fólk um kosti þess að gögn séu opin og að það eigi einmitt að stuðla að því að fólk vinni saman og endurblandi og afriti efni frá öðrum en geri það í sátt við höfundarrétthafa og lagaumhverfi. Það er því miður ansi erfitt í dag.

Hér er lýsing á fyrirlestrinum:

Opin gögn og wikiskrif, hvernig  háskólanemar geta  skrifað greinar í  Wikipedia  og   þannig tekið þátt í að búa til opið þekkingarsafn.  Mikilvægi  þess að virða  höfundarrétt  og  kostir við að nota opin námsgögn  með CC höfundarleyfi,  gögn sem má afrita og endurblanda í eigin verk.

Bestu kveðjur,

Salvör Gissurardóttir

salvor@hi.is