Málstofa um miðlamennt 18. maí

Miðalamennt (media education) hefur öðlast sess í námskrám margra  þjóða og hún er meðal forgangs-mála í menntastefnu Evrópusambandsins. Þótt talað hafi verið um miðlamennt sem „náms- og kennslufræði 21. aldarinnar“ glímir fræðafólk enn við áleitnar spurn-ingar sem varða eðli hennar og útfærslu í skólastarfi.

Rannum (Rannsóknarstofa í upplýsingatækni og miðlun) boðar til málstofu um miðlamennt miðviku-daginn 18. maí. Verður hún haldin í Hamri,
húsnæði menntavísindasviðs Háskóla Íslands við Stakkahlíð, kl. 15-17 í stofu H201. Þar mun dr. Leo Pekkala segja frá fræðastarfi sem tengist miðlamennt
í Háskólanum í Lapplandi, þar sem hann starfar, og ræða hugmyndir sínar um miðlalæsi og miðlamennt
við málstofugesti.

Miðað er við málstofan verði að stórum hluta samræða milli Pekkala, málstofugesta og umræðustjóra sem er Stefán Jökulsson, lektor í miðlun og miðlalæsi  við menntavísindasvið Háskóla Íslands.

Hugtakið miðlamennt vísar til skólastarfs þar sem nemendur nota ýmsa miðla – myndmiðla, hljóðmiðla, prentmiðla og netmiðla – við nám sitt og læra í leiðinni
sitthvað um notagildi þeirra og áhrif á menningu og lýðræði. Markmiðið er að nemendur læri að leggja mat
á miðlað efni en fái einnig þjálfun í að nota ýmsa
miðla við efnisgerð og þekkingarsköpun.

Miðlamennt snertir einnig þá námsfærni sem tengist stafrænni tækni og með henni er stefnt að því að minnka muninn á því sem nemendur læra í skólum
og þeirri kunnáttu og færni sem þeir þarfnast í lífi sínu og starfi.