Æskulýðsrannsóknin Ungt fólk 2011 – Grunnskólanemar í 5., 6. og 7. bekk

Æskulýðsrannsóknin Ungt fólk 2011 – Grunnskólanemar í 5., 6. og 7. bekk verður kynnt þriðjudaginn 27. september í húsi KFUM og KFUK við Holtaveg í Reykjavík.  Rannsóknir & greining hefur mörg undanfarin ár unnið rannsóknarröðina Ungt fólk í samvinnu við mennta- og menningarmálaráðuneytið og eru rannsóknirnar nýttar við stefnumótun og aðgerðir meðal ungs fólks í fjölmörgum sveitarfélögum landsins. Alls eru rannsóknirnar unnar meðal nemenda í 5. – 10. bekk  grunnskóla og í öllum árgöngum framhaldsskóla en einnig meðal ungmenna sem standa utan skóla. Sveitarfélög sem í búa um 80% landsmanna fá þá sérstakar skýrslur með upplýsingum tengdum viðkomandi nærsamfélagi.
 
Kynningin hefst klukkan 13:30. Skýrslan í heild sinni verður birt á vef Rannsókna og greiningar á miðvikudag í næstu viku.
 
Nánar um Rannsóknir & greiningu á www.rannsoknir.is
Opinberar skýrslur unnar úr gögnum R&G má finna með því að smella hér – opinberar skýrslur
Vísindagreinar unnar úr gögnum R&G  má finna með því að smella hér – ritrýndar greinar en um tíu ritrýndar vísindagreinar eru unnar úr gögnum R&G árlega.
 
Vonumst til að sjá þig.