Þjóðfundur um menntamál

Þjóðfundur um menntamál 2010 verður haldinn laugardaginn 13. febrúar kl. 9:30-15:30. Fundurinn er í beinu framhaldi af Þjóðfundi 2009 og byggir á hugmyndafræði hans. Á þjóðfundi um menntamál er ætlunin að stíga markviss skref í átt að mótun stefnu þjóðarinnar í málum er varða menntun íslenskra barna og ungmenna að 16 ára aldri. Í stuttu máli verður viðfangsefni fundarins þríþætt:
• að fá fram gildi sem liggja ættu til grundvallar menntunar á leik- og grunnskólastigi
• að skilgreina helstu markmið menntastarfsins
• að gera tillögur um aðgerðir (breytingar, verkefni, ákvarðanir)

Fyrirkomulagið verður svipað og á þjóðfundi 2009 en áhersla lögð á að komast lengra í að marka þær leiðir sem hægt er að fara að settum markmiðum. Tillögum um aðgerðir verður komið til þeirra sem geta hrint þeim í framkvæmd!

Hugmyndin er að þátttakendur verði um 300 og að helmingur þeirra verði foreldrar og hinn helmingurinn fagmenn úr ýmsum áttum. Vinnulag verður með svipuðum hætti og á þjóðfundinum 2009 þar sem sérhver þátttakandi fær tækifæri til að leggja sitt af mörkum. Allir koma á fundinn sem einstaklingar en ekki sem fulltrúar einstakra stofnana eða hagsmunaaðila.

Að fundinum standa
Að fundinum standa ýmsir einstaklingar sem eru áhugasamir um viðfangsefnið og óháðir stjórnmálaflokkum og hagsmunaaðilum. Sem stendur eru helstu talsmenn fundarins:

Snjólfur Ólafsson, snjolfur@hi.is, s. 692 3232
Kristín Dýrfjörð, dyr@unak.is, s. 897 4246
Rut Magnúsdóttir, rutmag@gmail.com, s. 821 6937
Hekla Arnardóttir, heklaa@gmail.com, s. 664 1075