UT-menntabúðir haust 2013

Til stendur að halda menntabúðir um upplýsingatækni í námi og kennslu þrisvar í október og nóvember. Menntabúðirnar eru ætlaðar starfandi kennurum á öllum skólastigum og fyrir kennaranema. Áhersla verður lögð á tengslamyndun fólks sem er að þreifa sig áfram með nýtingu nýrrar tækni og miðla í skólastarfi og á að miðla hagnýtri þekkingu og reynslu.

Fimmtudaginn 24. október kl. 17 (-18:30?) verður haldinn undirbúningsfundur/skipulagsfundur fyrir menntabúðir í stofu H-207 í aðalbyggingu Menntavísindasviðs (MVS) Háskóla Íslands við Stakkahlíð.

Við bjóðum ykkur hér með að taka þátt í að skipuleggja og undirbúa þessar menntabúðir með okkur, t.d. að velja hugsanleg þemu, heppilegar tímasetningar, hvernig hægt væri að  koma afurðum á framfæri (t.d. fræðslumyndböndum eða verkfærabloggi) og meta þessa þátttöku fyrir starfandi kennara (staðfesting frá MVS). Ef vel tekst til gerum við ráð fyrir að halda fleiri atburði af sama toga eftir áramót.

Að verkefninu standa UT-torg, Menntamiðja, fagaðilar og framhaldsnemar á Menntavísindasviði HÍ í upplýsingatækni og miðlun og Rannsóknarstofa í upplýsingatækni og miðlun (RANNUM) við MVS.

Fyrir þá sem ekki hafa reynslu af menntabúðum þá má lesa sér til í greininni:

Leal Fonseca, D. (2011). EduCamp Colombia: Social networked learning for teacher training. The International Review Of Research In Open And Distance Learning, 12(3), 60-79. Sótt af http://www.irrodl.org/index.php/irrodl/article/view/884

Skoða myndir úr menntabúðum í staðlotu framhaldsnema í Upplýsingatækni í menntun og skólaþróun við MVS http://utmidlun.ning.com/photo/albums/menntab-ir-uppl-singat-kni-menntun-og-sk-la-r-un

og nálgast upplýsingar um menntabúðir á vegum 3f um tækni í sérkennslu

http://3f.is/menntabudir/um-menntabudir/