Ný stefna í menntamálum - hvernig hrindum við henni í framkvæmd

Dagskrá ársþings Samtakanna er nú nánast fullmótið og skráning hafin! Þemað að þessu sinni er Ný stefna í menntamálum: Hvernig hrindum við henni í framkvæmd? Læsi – Lýðræði – Jafnrétti - Menntun til sjálfbærni – Skapandi starf

Föstudaginn 5. nóvember hefst dagskrá kl. 14.00. Þá verða stutt, fjölbreytt erindi um lykilhugtökin fimm. Fyrirlesarar verða Guðrún Pétursdóttir félagsfræðingur, Hanna Björg Vilhjálmsdóttir framhaldsskólakennari (jafnrétti), Kristín Vala Ragnarsdóttir forseti Verkfræði- og náttúruvísindasviðs Háskóla Íslands, Ólöf Ólafsdóttir framkvæmdastjóri hjá Evrópuráðinu, Rósa Gunnarsdóttir sérfræðingur hjá mennta- og menningarmálaráðuneytinu og Stefán Jökulsson lektor við Menntavísindasvið Háskóla Íslands.

Laugardaginn 6. nóvember hefst dagskrá kl. 9.30 með fyrirlestri Pascale Mompoint-Gaillard: How All Teachers Can Support Citizenship and Human Rights Education? Pascale er sérstakur gestur ráðstefnunnar. Kl. 10.00 gefst þátttakendum kostur á að taka þátt í fjölbreyttum smiðjum, málstofum og vinnufundum.